Saturday, February 3, 2024
Homeഅനുഷ്ഠാനംനോമ്പ്ഞായറാഴ്ച മാത്രമായി നോമ്പെടുക്കൽ

ഞായറാഴ്ച മാത്രമായി നോമ്പെടുക്കൽ

ചോദ്യം- ഞായറാഴ്ച മാത്രമായി നോമ്പെടുക്കുന്നതിന്റെ വിധിയെന്താണ്.

ഉത്തരം- ഞായറാഴ്ച മാത്രമായി നോമ്പെടുക്കൽ കറാഹത്താണ് എന്നതാണ് ശാഫിഈ മദ്ഹബ്. എന്നാൽ സ്ഥിരമായി നോമ്പെടുക്കുന്ന ഒരാളുടെ പതിവിൽ പെട്ടു വരിക, അതു പോലെ ആശൂറാ, അറഫ പോലുള്ള സ്ഥിരപ്പെട്ട സുന്നത്തുകൾ അന്നേ ദിവസം ഒത്തുവരികയാണെങ്കിൽ വിധി ബാധകമല്ല. ഇമാം റംലി പറയുന്നു:

وَإِفْرَادُ السَّبْتِ أَوْ الْأَحَدِ بِالصَّوْمِ كَذَلِكَ بِجَامِعِ أَنَّ الْيَهُودَ تُعَظِّمُ الْأَوَّلَ وَالنَّصَارَى تُعَظِّمُ الثَّانِي فَقَصَدَ الشَّارِعُ بِذَلِكَ مُخَالَفَتَهُمْ، وَمَحَلُّ مَا تَقَرَّرَ إذَا لَمْ يُوَافِقْ إفْرَادُ كُلِّ يَوْمٍ مِنْ الْأَيَّامِ الثَّلَاثَةِ عَادَةً لَهُ وَإِلَّا كَأَنْ كَانَ يَصُومُ يَوْمًا وَيُفْطِرُ يَوْمًا أَوْ يَصُومُ عَاشُورَاءَ أَوْ عَرَفَةَ فَوَافَقَ يَوْمَ صَوْمِهِ فَلَا كَرَاهَةَ كَمَا فِي صَوْمِ يَوْمِ الشَّكِّ.-نِهَايَةُ الْمُحْتَاجِ.
ഇവിടെ 60 വർഷം നോമ്പെടുത്ത പ്രതിഫലമുണ്ട് എന്നു വിശേഷിക്കപ്പെട്ട റജബ് 27 ലെ മിഅറാജ് നോമ്പ് എണ്ണിയിട്ടില്ല എന്നത് ശ്രദ്ധേയമാണ്.

മറ്റൊരു പ്രമുഖനായ ഇമാം ഇബ്നു ഹജർ ഹൈതമി പറയുന്നു:
كَرَاهَةُ إفْرَادِ الْأَحَدِ أَيْضًا لِأَنَّ النَّصَارَى تُعَظِّمُهُ فَفِي إفْرَادِهِ تَشَبُّهٌ بِهِمْ.-الْفَتَاوَى الْفِقْهِيَّةُ الْكُبْرَى.
അദ്ദേഹം തന്നെ തുഹ്ഫയിൽ പറയുന്നു:
كُرِهَ لَهُ إفْرَادُ الْأَحَدِ إلَّا لِسَبَبٍ أَيْضًا؛ لِأَنَّ النَّصَارَى تُعَظِّمُهُ بِخِلَافِ مَا لَوْ جَمَعَهُمَا.- تُحْفَةُ الْمُحْتَاجِ. وَحَاشِيَةُ الشَّرْوَانِي عَلَى تُحْفَةِ الْمُحْتَاجِ.
ഹാശിയക്കാരും അതു തന്നെ പറയുന്നു:
(وَيُكْرَهُ إفْرَادُ الْجُمُعَةِ وَإِفْرَادُ السَّبْتِ) بِالصَّوْمِ….. قَوْلُهُ : (وَإِفْرَادُ السَّبْتِ) وَكَذَا إفْرَادُ الْأَحَدِ قِيَاسًا عَلَى السَّبْتِ لِكَوْنِ النَّصَارَى تُعَظِّمُهُ كَمَا تُعَظِّمُ الْيَهُودُ السَّبْتَ.- حَاشِيَتَا قَلْيُوبِيِّ وَعَمِيرَةَ.
ഇനി ആധുനിക കാലഘട്ടത്തിൽ ജീവിച്ചിരുന്ന ശാഫിഈ പണ്ഡിതൻ ശൈഖ് ബാ അലവി പറയുന്നത് കാണുക:
يُكْرَهُ إفْرَادُ الْجُمُعَةِ وَالسَّبْتِ وَالأَحَدِ بِصَوْمٍ، وَخَرَجَ بِهِ جَمْعٌ اثْنَيْنِ مِنْهَا.-بُغْيَةُ الْمُسْتَرْشِدِينَ.
ചുരുക്കത്തിൽ സ്വീകാര്യയോഗ്യമായ ഒരു തെളിവും ഇല്ലാതെ ഞായറാഴ്ച മാത്രമായി നോമ്പെടുക്കുന്നത് സുന്നത്ത് പോയിട്ട് മുബാഹ് പോലും അല്ല എന്നതാണ് വസ്തുത. അതിലുപരി ഞായറാഴ്ച മാത്രമായി നോമ്പെടുക്കുന്നത് മക്റൂഹ് കൂടിയാണ്.

📲 വാട്‌സാപ് ഗ്രൂപ്പിൽ അംഗമാകാൻ👉: https://chat.whatsapp.com/CtdeYjAfwas90JeGabX9H0

ഇൽയാസ് മൗലവി
1972 മാര്‍ച്ച്4 ന് വയനാട് ജില്ലയിലെ പിണങ്ങോട് ജനനം. പിതാവ്: കുന്നത്ത് കുഞ്ഞബ്ദുല്ല. മതാവ്: പിലാശ്ശേരി ഖദീജ. പിണങ്ങോട് ഗവ: യു.പി. സ്‌കൂള്‍, വയനാട് മുസ്‌ലിം ഓര്‍ഫനേജ് ഹൈസ്‌കൂള്‍, തിരൂര്‍ക്കാട് ഇലാഹിയ്യ കോളേജ്, ഖത്തര്‍ റിലീജിയന്‍സ് ഇന്‍സ്റ്റിറ്റിയൂട്ട്, ഖത്തര്‍ യൂനിവേഴ്‌സിറ്റി എന്നിവിടങ്ങളില്‍ പഠനം. ഇസ്‌ലാമിക ശരീഅത്തിലും ഫിഖ്ഹിലും ഉസ്വൂലുല്‍ ഫിഖ്ഹിലും ബിരുദം. മദ്രാസ് യൂണിവേഴ്സിറ്റിയിൽ നിന്ന് മോഡേൺ അറബിക്കിൽ ബിരുദാനന്തര ബുരുദം- PHD ചെയ്തു കൊണ്ടിരിക്കുന്നു. ഖത്തര്‍ ഔഖാഫ് മന്ത്രാലയത്തിന്റെ കീഴില്‍ ഖുര്‍ആന്‍ തജ്‌വീദില്‍ പ്രത്യേക കോഴ്‌സ് റാങ്കോടെ പാസായി. ഖത്തര്‍ ശരീഅത്ത് കോടതി, ഡോ. യൂസുഫുല്‍ ഖറദാവിയുടെ സെക്രട്ടറിയായി മര്‍കസ് ബുഹൂസുസുന്ന വസ്സീറ, ഖത്തര്‍ റേഡിയോ എന്നിവിടങ്ങളില്‍ ജോലി ചെയ്തു. അല്‍ജാമിഅ അല്‍ഇസ്‌ലാമിയ്യ അസിസ്റ്റന്റ് മുദീര്‍, ഇത്തിഹാദുൽ ഉലമ കേരളയുടെ ഉപാധ്യക്ഷൻ, മജ്‌ലിസുത്തഅ്‌ലീമില്‍ ഇസ്‌ലാമി കമ്മിറ്റിയംഗം, ബൈത്തുസ്സകാത്ത് കേരള അംഗം എന്നീ സ്ഥാനങ്ങള്‍ വഹിക്കുന്നു. ആനുകാലിക പ്രസിദ്ധീകരണങ്ങളില്‍ കര്‍മശാസ്ത്രവിഷയങ്ങള്‍ കൈകാര്യം ചെയ്യുന്നു. കൃതികള്‍: ഇമാം മാലിക്, മയ്യിത്ത് സംസ്‌കരണ മുറകള്‍. ഭാര്യ: സുമയ്യ അബ്ദുര്‍റഹ്മാന്‍ തര്‍വായി. മക്കള്‍: അമ്മാര്‍ സലാമ, ഫൈറൂസ് സലാമ, നവാര്‍ സലാമ.

Recent Posts

Related Posts

error: Content is protected !!