Homeഅനുഷ്ഠാനംവേദക്കാരുടെ പള്ളിയിൽ നമസ്കരിക്കാമോ?

വേദക്കാരുടെ പള്ളിയിൽ നമസ്കരിക്കാമോ?

ചോദ്യം- മറ്റിടമൊന്നും കണ്ടില്ലെങ്കിൽ ഒരു മുസ്ലിമിന്ന് ജൂത-കൈ്രസ്തവരുടെ പള്ളിയിൽ നമസ്കരിക്കാമോ?

ഉത്തരം- തിരുദൂതർ ഇപ്രകാരം പറയുകയുണ്ടായി: എനിക്ക് മുമ്പ് ആർക്കും ലഭിച്ചിട്ടില്ലാത്ത അഞ്ചുകാര്യങ്ങൾ എനിക്ക് ലഭിച്ചിട്ടുണ്ട്. അദ്ദേഹം എണ്ണിപ്പറഞ്ഞ അഞ്ച് കാര്യങ്ങളിലൊന്ന് ഇതാണ്: “”ഭൂമിയാകെ എനിക്ക് പള്ളിയായും ശുദ്ധമായും നിശ്ചയിക്കപ്പെട്ടിരിക്കുന്നു. അതിനാൽ എന്റെ സമുദായത്തിൽ വല്ലവനും നമസ്കാരത്തിന്റെ സമയമെത്തിയാൽ (എവിടെവെച്ചും) നമസ്കരിച്ചുകൊള്ളട്ടെ!”( ബൂഖാരിയും മുസ് ലിമും ജാബറിൽ നിന്ന് ഉദ്ധരിച്ചത് ) ഈ തിരുവചനത്തിന്റെ അടിസ്ഥാനത്തിൽ മുസ്ലിമിനെ സംബന്ധിച്ചേടത്തോളം ഭൂമിയാകെ പള്ളിയാണ്. ഏതിടവും അയാൾക്ക് സുജൂദ് ചെയ്യുവാനും നമസ്കരിക്കുവാനും പറ്റിയതുമാണ്. പക്ഷേ, വല്ല തെറ്റിദ്ധാരണക്കും ഇടം നൽകുമെങ്കിൽ ചർച്ച് പോലുള്ള സ്ഥലങ്ങൾ ഒഴിവാക്കുന്നതാണുത്തമം. എന്നാൽ അതല്ലാത്ത മറ്റൊരിടവും ലഭിച്ചില്ലെങ്കിൽ അവിടെവെച്ചു നമസ്കരിക്കാം. കാരണം, ഭൂമിയാകെ ദൈവത്തിന്റേതാണ്. ഭൂമിയാകെ മുസ്ലിംകൾക്ക് ആരാധനാലയമായി ഉപയോഗിക്കാവുന്നതുമാണ്. കൈ്രസ്തവർ ഒരിക്കൽ തങ്ങളുടെ പള്ളിയിൽ വെച്ച് നമസ്കരിക്കുവാൻ ഉമറുബ്നുൽ ഖത്ത്വാബിന് അനുമതി നൽകുകയുണ്ടായി. പക്ഷേ ഉമർ നമസ്കരിച്ചില്ല. അദ്ദേഹം പറഞ്ഞു: “”ഞാൻ ഇവിടെ നമസ്കരിച്ചാൽ എനിക്കുശേഷം മുസ്ലിംകൾ, “ഉമർ ഇവിടെ നമസ്കരിച്ചിട്ടുണ്ട്’ എന്ന ന്യായം പറഞ്ഞ് ഇതവരുടെ പള്ളിയാക്കി മാറ്റിയേക്കാനിടയുണ്ട്.” ഈയൊരു ഭീതിമൂലമാണ് ഉമർ ചർച്ചിൽ വെച്ച് നമസ്കരിക്കാതിരുന്നത്. അല്ലാതെ അത് വേദക്കാരുടെ ദേവാലയമായിരുന്നതുകൊണ്ടല്ല.

Also Read  സ്വഫ്ഫിന് പിന്നിൽ ഏകനായി നമസ്കരിക്കൽ
ഡോ. യൂസുഫുല്‍ ഖറദാവി
യൂസുഫ് അബ്ദുല്ല അല്‍ ഖറദാവി 1926 സെപ്റ്റംബര്‍ 9 ഈജിപ്തിലെ അല്‍ഗര്‍ബിയ്യ ജില്ലയിലെ സിഫ്ത തുറാബ് ഗ്രാമത്തില്‍ ജനനം. ചെറുപ്പത്തില്‍ തന്നെ പഠനകാര്യങ്ങളില്‍ വൈഭവം കാട്ടിയ ഒമ്പതാം വയസ്സില്‍ ഖുര്‍ആന്‍ ഹൃദിസ്ഥമാക്കി. അല്‍അസ്ഹര്‍ സര്‍വകലാശാലയിലെ ഉപരിപഠനത്തിന് ചേര്‍ന്ന യൂസുഫ് 1953 ല്‍ ഒന്നാം റാങ്കോടെ പാസായി. 1954ല്‍ അറബി ഭാഷാ കോളജില്‍ നിന്നും ഒന്നാം റാങ്കോടെ തന്നെ പുറത്തിറങ്ങി. 1958 ല്‍ അറബി സാഹിത്യത്തില്‍ ഡിപ്ലോമയും 1960 ല്‍ ഖുര്‍ആനിലും നബിചര്യയിലും മാസ്റ്റര്‍ ബിരുദവും 1973 ല്‍ സാമൂഹിക പ്രശ്‌നങ്ങള്‍ പരിഹരിക്കുന്നതില്‍ സകാത്തിന്റെ പങ്ക് എന്ന തീസിസില്‍ ഫസ്റ്റ് ക്ലാസോടെ ഡോക്ടറേറ്റും നേടി. 2004ല്‍ ഇസ്‌ലാമിക വൈജ്ഞാനിക മേഖലയിലെ സംഭാവനകള്‍ക്ക് കിംഗ് ഫൈസല്‍ ഇന്റര്‍നാഷണല്‍ അവാര്‍ഡ് ലഭിച്ച അദ്ദേഹം ധാരാളം ഗ്രന്ഥങ്ങള്‍ രചിച്ചിട്ടുണ്ട്.

6 COMMENTS

  1. Click Here

    […]very handful of internet sites that take place to be detailed beneath, from our point of view are undoubtedly nicely worth checking out[…]

Comments are closed.

Recent Posts

Related Posts

error: Content is protected !!