ചോദ്യം: വലംകൈ ഉടമയാക്കിയവർ എന്ന് ഖുർആൻ പറയുന്നത് യഥാർതത്തിൽ അടിമകളെ ഉദ്ദേശിച്ചാണോ? ചെറുപ്പം മുതലേ ഭക്ഷണവും വസ്ത്രവും മറ്റും നൽകി വളർത്തിക്കൊണ്ടുവന്ന മുസ്ലിം വേലക്കാരിയുമായി വീട്ടുടമക്ക് ലൈംഗികവേഴ്ച നടത്താൻ അനുവാദമുണ്ടോ? അത് വ്യഭിചാരമാകുമോ?
ഉത്തരം: വലം കൈകൾ ഉടമപ്പെടുത്തിയവർ എന്നതുകൊണ്ട് ഖുർആൻ വിവക്ഷിച്ചിട്ടുള്ളത് അടിമകളെത്തന്നെയാണ്. വേലക്കാരികൾ ഈ വിഭാഗത്തിൽ പെടുകയില്ല. അവർക്ക് നിങ്ങളോട് എത്ര തന്നെ കടപ്പാടുകളുണ്ടായാലും തികച്ചും അന്യയും സ്വതന്ത്രയും തന്നെയാണ്. മുസ്ലിമാവട്ടെ അമുസ്ലിമാവട്ടെ, അവരുമായി ലൈംഗിക ബന്ധത്തിലേർപ്പെടുവാൻ അവരുടെ ഭർത്താവിനല്ലാതെ മറ്റാർക്കും അനുവാദമില്ല. കടപ്പാടുകളുടെ പേരിൽ അത്തരം അബലകളെ അനുഭവിക്കുന്നത് തികഞ്ഞ വ്യഭിചാരവും അധമത്വവുമല്ലാതെ മറ്റൊന്നുമല്ല. വേലക്കാരിയോട് ആസക്തി തോന്നുന്നുവെങ്കിൽ അവളെ വിവാഹം ചെയ്യുകയാണുവേണ്ടത്.
