ചോദ്യം – ഒരു വ്യക്തി മരണപ്പെട്ടു. അദ്ദേഹത്തിന് പിതാവും മക്കളും ജീവിച്ചിരിപ്പില്ല. അടുത്ത ബന്ധുക്കള്‍ മാതാവും ഭാര്യയും മാത്രമാണ്. സ്വത്ത് എങ്ങിനെ ഭാഗം വെക്കും?
ഉത്തരം – ഒരാള്‍ മരണപ്പെടുമ്പോള്‍ മാതാപിതാക്കള്‍, മക്കള്‍, മകന്‍റെ മക്കള്‍, ഭാര്യ / ഭര്‍ത്താവ് എന്നിവരാണ് അടിസ്ഥാന അവകാശികള്‍.
പിതാവും പുത്രനും ഇല്ലാത്ത അവസ്ഥയില്‍ സഹോദരങ്ങള്‍ (ആണും പെണ്ണും) അവകാശികളായി പരിഗണിക്കപ്പെടും. സഹോദരങ്ങള്‍ ഇല്ലെങ്കില്‍, സഹോദരന്മാരുടെ ആണ്മക്കള്‍ മാത്രം (സഹോദരന്മാരുടെ പെണ്‍മക്കളും സഹോദരികളുടെ മക്കളും അവകാശികളല്ല) അവകാശികളാവും. അവരും ഇല്ലെങ്കില്‍ പിതാവിന്‍റെ സഹോദരന്മാര്‍ (പിതൃസഹോദരിമാര്‍ അവകാശികളല്ല) അവകാശികളാവും. അവരും ഇല്ലെങ്കില്‍ അവരുടെ ആണ്മക്കള്‍ മാത്രം (പിതൃസഹോദരന്മാരുടെ പെണ്‍മക്കളോ, പിതൃസഹോദരിയുടെ മക്കളോ അവകാശികളല്ല) പരിഗണിക്കപ്പെടും.
മേല്‍പ്പറയപ്പെട്ട ആരും ഇല്ലെങ്കില്‍, അകന്ന ബന്ധുക്കളെ പരിഗണിക്കും. മാതാവിന്‍റെയോ മകളുടെയോ സഹോദരിയുടെയോ വഴിക്ക് വരുന്ന ബന്ധങ്ങളാണ് അകന്ന ബന്ധുക്കള്‍ എന്ന് പറയുക.
ഇവിടെ ചോദിക്കപ്പെട്ട കേസില്‍, പരേതന് മക്കളും സഹോദരങ്ങളും ഇല്ലാത്തതിനാല്‍, മൊത്തം സ്വത്തിന്‍റെ മൂന്നിലൊന്ന് മാതാവിനും, പരേതന് മക്കള്‍ ഇല്ലാത്തതിനാല്‍ മൊത്തം സ്വത്തിന്‍റെ നാലിലൊന്ന് ഭാര്യക്കും നിര്‍ണിത ഓഹരി എന്ന നിലയില്‍ ലഭിക്കും. ബാക്കിയുള്ളത് മുകളില്‍ പറയപ്പെട്ട അവകാശികള്‍ ആരെങ്കിലും ജീവിച്ചിരിപ്പുണ്ടെങ്കില്‍ അവര്‍ക്ക് ലഭിക്കുന്നതാണ്. അങ്ങിനെ ആരുമില്ലെങ്കില്‍ ബാക്കിയായ ഓഹരിയും കൂടി മാതാവിന് ലഭിക്കും. ഭാര്യക്ക് നാലിലൊന്ന് മാത്രമേ ലഭിക്കൂ.
കൂടുതൽ വായനക്ക്‌ 👉🏻: https://chat.whatsapp.com/FZFMUBbfc8KHUgxeDQuqFU
