ചോദ്യം – ഒരാൾ മരണപ്പെട്ടു. ഭാര്യ, 3 പെൺകുട്ടികൾ, ഉമ്മ, 2 സഹോദരിമാർ, മുൻപേ മരണപ്പെട്ട സഹോദരന്റെ ഭാര്യയും മകനും. ഇവിടെ മുൻപേ മരണപ്പെട്ട സഹോദരന്റെ ഭാര്യയും മകനും അവകാശികളാകുന്നില്ലല്ലോ?
ഉത്തരം – പരേതന് മക്കള് ഉള്ളതിനാല്, മൊത്തം സ്വത്തിന്റെ ആറിലൊന്ന് മാതാവിനും, എട്ടിലൊന്ന് ഭാര്യക്കും ലഭിക്കും. മക്കളായി 3 പെണ്കുട്ടികള് മാത്രമായതിനാല് മൊത്തം സ്വത്തിന്റെ മൂന്നില് രണ്ട് ഭാഗം അവര്ക്കിടയില് തുല്യമായി വീതിക്കും. ബാക്കിയുള്ളത് സഹോദരിമാര്ക്കിടയില് തുല്യമായി വീതിക്കുകയാണ് ചെയ്യുക. സഹോദരികള് ഉള്ളതിനാല് നേരത്തെ മരണപ്പെട്ടുപോയ സഹോദരന്റെ മക്കള് അവകാശികള് ആവുകയില്ല. പരേതനുമായി സഹോദരപുത്രന്മാരെക്കാള് കൂടുതല് അടുത്തത് സഹോദരികള് ആണല്ലോ. നേരത്തെ മരണപ്പെട്ടുപോയ സഹോദരന്റെ ഭാര്യ ഒരു നിലക്കും അവകാശിയുമല്ല.
മൊത്തം സ്വത്തിനെ 144 ഭാഗമാക്കുക. അതില് നിന്ന് ആറിലൊന്നായ 24 ഓഹരികള് മാതാവിനും, എട്ടിലൊന്നായ 18 ഓഹരികള് ഭാര്യക്കും, മൂന്നില് രണ്ടായ 96 ഓഹരികള് മൂന്നാക്കിയ 32 ഓഹരികള് വീതം ഓരോ മകള്ക്കും, ബാക്കിയായ 6 ഓഹരികള് 3 വീതം ഓരോ സഹോദരിക്കും നല്കുക.
കൂടുതൽ വായനക്ക് 👉🏻: https://chat.whatsapp.com/FZFMUBbfc8KHUgxeDQuqFU