Monday, March 25, 2024
Homeസ്ത്രീ, കുടുംബം, വീട്അനന്തരാവകാശംഅവകാശികളായി മാതാപിതാക്കളും ഭാര്യയും 2 പെണ്‍മക്കളെയുമാണ് പരി​ഗണിക്കുക

അവകാശികളായി മാതാപിതാക്കളും ഭാര്യയും 2 പെണ്‍മക്കളെയുമാണ് പരി​ഗണിക്കുക

പിതാവ് ജീവിച്ചിരിക്കുന്നതിനാല്‍ സഹോദരങ്ങള്‍ അവകാശികള്‍ ആവുകയില്ല

ചോദ്യം – എന്‍റെ ഉപ്പ മരണപ്പെട്ടു. ഞങ്ങള്‍ ഉമ്മയും 2 പെൺകുട്ടികളും ആണ്. ഞങ്ങളുടെ വല്യുപ്പയും വല്യുമ്മയും ജീവിച്ചിരിപ്പുണ്ട്. ഉപ്പാക്ക് 6 സഹോദരങ്ങളും 1 സഹോദരിയും ആണ് ഉള്ളത്. ഈ സ്വത്ത് ഓഹരി വെക്കുമ്പോൾ ആരൊക്കെ അനന്തരാവകാശികൾ ആയിട്ട് വരും?

ഉത്തരം – പരേതന് അവകാശികള്‍ മാതാപിതാക്കളും ഭാര്യയും 2 പെണ്‍മക്കളുമാണ്. പിതാവ് ജീവിച്ചിരിക്കുന്നതിനാല്‍ സഹോദരങ്ങള്‍ അവകാശികള്‍ ആവുകയില്ല.

പരേതന് മക്കള്‍ ഉള്ളതിനാല്‍, മൊത്തം സ്വത്തിന്‍റെ ആറിലൊന്ന് വീതം മാതാപിതാക്കള്‍ ഓരോരുത്തര്‍ക്കും ലഭിക്കും. മൊത്തം സ്വത്തിന്‍റെ എട്ടിലൊന്നാണ് ഭാര്യക്ക് ലഭിക്കുക. മക്കള്‍ 2 പെണ്‍കുട്ടികള്‍ മാത്രമേയുള്ളൂ എന്നതിനാല്‍ മൊത്തം സ്വത്തിന്‍റെ മൂന്നില്‍ രണ്ട് ഓഹരി അവര്‍ക്കിടയില്‍ തുല്യമായി വീതിക്കുകയാണ് ചെയ്യുക.

മൊത്തം സ്വത്ത് 27 ഭാഗമാക്കുക. മാതാപിതാക്കള്‍ ഓരോരുത്തര്‍ക്കും 4 ഓഹരികള്‍ വീതം നല്കുക. ഭാര്യക്ക് 3 ഓഹരികള്‍ നല്കുക. പെണ്‍മക്കള്‍ ഓരോരുത്തര്‍ക്കും 8 ഓഹരികള്‍ വീതവും നല്കുക.

🪀 കൂടുതല്‍ വായനക്ക്‌ 👉🏻: https://chat.whatsapp.com/C15hzvWtKIy9ApXqTOUlQL

അബ്ദുസ്സലാം അഹ്മദ് നീർക്കുന്നം
അബ്ദുസ്സലാം അഹ്മദ്, ആലപ്പുഴ ജില്ലയില്‍ നീര്‍ക്കുന്നം സ്വദേശി. പ്രാഥമിക വിദ്യാഭ്യാസത്തിന് ശേഷം ശാന്തപുരം ഇസ്ലാമിയ കോളേജില്‍ നിന്ന് “ഫഖീഹ് ഫിദ്ദീന്‍” ബിരുദം, കാലിക്കറ്റ് സര്‍വ്വകലാശാലയില്‍ നിന്ന് അറബി, വേള്‍ഡ് ഹിസ്റ്ററി ബിരുദം. 1991 മുതല്‍ 95 വരെ സൌദി അറേബ്യയില്‍ ജോലി ചെയ്തു. 1997 മുതല്‍ യു. ഏ. ഇ യില്‍ ജോലി ചെയ്യുന്നു. ഭാര്യയും 3 പെണ്‍കുട്ടികളും. ഖുര്‍ആന്‍ സ്റ്റഡി സെന്‍റര്‍ സിലബസ് കമ്മിറ്റി അംഗം, പരീക്ഷാ കണ്ട്രോളര്‍, അദ്ധ്യാപക പരിശീലനം, അദ്ധ്യാപനം, മദ്രസാ പ്രിന്‍സിപ്പല്‍, അദ്ധ്യാപകന്‍, എന്നിങ്ങനെ മേഖലകളില്‍ പ്രവര്‍ത്തിക്കുന്നു. സോഷ്യല്‍ മീഡിയയില്‍ ഇസ്ലാമിലെ അനന്തരാവകാശം, സകാത്ത്, ഫിഖ്ഹ് വിഷയങ്ങളില്‍ ചോദ്യോത്തര പംക്തി കൈകാര്യം ചെയ്യുന്നു. ഇസ്ലാമിക വിജ്ഞാനകോശത്തില്‍ ലേഖനങ്ങള്‍ എഴുതുന്നു.

Recent Posts

Related Posts

error: Content is protected !!