Homeജനാസ സംസ്കരണംമയ്യിത്ത് നമസ്‌കാരത്തിൻറെ സ്വഫ്ഫുകള്‍ ?

മയ്യിത്ത് നമസ്‌കാരത്തിൻറെ സ്വഫ്ഫുകള്‍ ?

ചോദ്യം-  മയ്യിത്ത് നമസ്‌കാരത്തിന് വേണ്ടി സാധാരണ നമസ്‌കാരങ്ങള്‍ക്ക് നില്‍ക്കുന്നതിനപ്പുറം സ്വഫ്ഫുകള്‍ അടുപ്പിച്ച് നിര്‍ത്തേണ്ടത് നിര്‍ബന്ധമാണോ ?

ഉത്തരം-         സാധാരണ നമസ്‌കാരങ്ങള്‍ക്ക് വേണ്ടി നില്‍ക്കുന്നത് പോലെത്തന്നെയാണ് മയ്യിത്ത് നമസ്‌കാരത്തിനും അണിനില്‍ക്കേണ്ടത്. കൂടുതല്‍ ആളുകള്‍ക്ക് നില്‍ക്കാന്‍ ചെറിയ പള്ളികളില്‍ സ്ഥലം കുറവാകുമ്പോള്‍, തിരക്ക് കണക്കിലെടുത്ത് അണികള്‍ (സ്വഫ്ഫുകള്‍) തമ്മിലുള്ള അകലം കുറക്കുന്നത് സാഹചര്യത്തിന്റെ അനിവാര്യത മാത്രമാണ്. സുജൂദും റുകൂഉം ഇല്ലാത്ത നമസ്‌കാരമായതുകൊണ്ട് മാത്രം സ്വഫ്ഫുകള്‍ അടുത്തടുത്ത് നില്‍ക്കുക എന്നത് മയ്യിത്ത് നമസ്‌കാരത്തിന്റെ ഒഴിച്ചുകൂടാന്‍ പറ്റാത്ത മര്യാദകളില്‍ പെട്ടതൊന്നുമല്ല. വിശാലമായ സൗകര്യമുള്ള ഇടങ്ങളില്‍, വിശിഷ്യാ ചൂടുള്ള കാലാവസ്ഥയില്‍ അങ്ങനെ നിന്നുകൊള്ളണമെന്ന് ശഠിക്കുന്നതിന് യാതൊരു അടിസ്ഥാനവുമില്ല.

Also Read  മരണം കൊതിക്കാമോ?
ഇൽയാസ് മൗലവി
1972 മാര്‍ച്ച്4 ന് വയനാട് ജില്ലയിലെ പിണങ്ങോട് ജനനം. പിതാവ്: കുന്നത്ത് കുഞ്ഞബ്ദുല്ല. മതാവ്: പിലാശ്ശേരി ഖദീജ. പിണങ്ങോട് ഗവ: യു.പി. സ്‌കൂള്‍, വയനാട് മുസ്‌ലിം ഓര്‍ഫനേജ് ഹൈസ്‌കൂള്‍, തിരൂര്‍ക്കാട് ഇലാഹിയ്യ കോളേജ്, ഖത്തര്‍ റിലീജിയന്‍സ് ഇന്‍സ്റ്റിറ്റിയൂട്ട്, ഖത്തര്‍ യൂനിവേഴ്‌സിറ്റി എന്നിവിടങ്ങളില്‍ പഠനം. ഇസ്‌ലാമിക ശരീഅത്തിലും ഫിഖ്ഹിലും ഉസ്വൂലുല്‍ ഫിഖ്ഹിലും ബിരുദം. മദ്രാസ് യൂണിവേഴ്സിറ്റിയിൽ നിന്ന് മോഡേൺ അറബിക്കിൽ ബിരുദാനന്തര ബുരുദം- PHD ചെയ്തു കൊണ്ടിരിക്കുന്നു. ഖത്തര്‍ ഔഖാഫ് മന്ത്രാലയത്തിന്റെ കീഴില്‍ ഖുര്‍ആന്‍ തജ്‌വീദില്‍ പ്രത്യേക കോഴ്‌സ് റാങ്കോടെ പാസായി. ഖത്തര്‍ ശരീഅത്ത് കോടതി, ഡോ. യൂസുഫുല്‍ ഖറദാവിയുടെ സെക്രട്ടറിയായി മര്‍കസ് ബുഹൂസുസുന്ന വസ്സീറ, ഖത്തര്‍ റേഡിയോ എന്നിവിടങ്ങളില്‍ ജോലി ചെയ്തു. അല്‍ജാമിഅ അല്‍ഇസ്‌ലാമിയ്യ അസിസ്റ്റന്റ് മുദീര്‍, ഇത്തിഹാദുൽ ഉലമ കേരളയുടെ ഉപാധ്യക്ഷൻ, മജ്‌ലിസുത്തഅ്‌ലീമില്‍ ഇസ്‌ലാമി കമ്മിറ്റിയംഗം, ബൈത്തുസ്സകാത്ത് കേരള അംഗം എന്നീ സ്ഥാനങ്ങള്‍ വഹിക്കുന്നു. ആനുകാലിക പ്രസിദ്ധീകരണങ്ങളില്‍ കര്‍മശാസ്ത്രവിഷയങ്ങള്‍ കൈകാര്യം ചെയ്യുന്നു. കൃതികള്‍: ഇമാം മാലിക്, മയ്യിത്ത് സംസ്‌കരണ മുറകള്‍. ഭാര്യ: സുമയ്യ അബ്ദുര്‍റഹ്മാന്‍ തര്‍വായി. മക്കള്‍: അമ്മാര്‍ സലാമ, ഫൈറൂസ് സലാമ, നവാര്‍ സലാമ.

Recent Posts

Related Posts

error: Content is protected !!